In en om Assen





Miny Hofsteenge



Biografie van Hofsteenge, Lammina Harmina (Miny). Exloo 1946; Schrijfster


Info op encyclopediedrenthe

Woont sinds 1971 in Emmen. Schrijft/Schreef voor diverse tijdschriften, zoals Oeze Volk, maandblad Drenthe, Pennestreken, Surplus en Roet. Ze schrijft proza en poëzie voor volwassenen en kinderen. Voorts schreef ze toneel. Sinds 1987 verschijnen er regelmatig columns van haar in de Drentse Courant en de opvolger daarvan het Dagblad van het Noorden. In 1987 kreeg ze de Reyer Onno van Ettingenpries, een aanmoedigingsprijs voor Drentstalige schrijvers.

In 1993 verscheen haar verhalenbundel Dwelen deur dook. Een jaar later volgde in samenwerking met Meent van der Sluis Veenarbeiders van Emmer-Erfscheidenveen 1948-1954, waarin gedichten van haar hand zijn opgenomen. De verhalenbundel Strapatsen verscheen in 2000. Haar werk werd opgenomen in monografieën, lessenpakketten en tal van bloemlezingen.


Miny Hofsteenge


Bronvermelding:
'Oeze Volk, maondblad in Drentse Taol. 38e jaorgang - no 2, Februari 1994. Een artikel van Martha


't Is haost tien jaor leen dat Miny Hofsteenge in het Drents begunde te schrieven. We troffen mekaor niet zo vaok, en we hebt oons alle twee vast wel is aofvraogd, wél is dat nouw? Der wordt een naom mompeld en dan gao'j weer wieder.

Maor der komp een tied, daj saomen regelmaotig optrekt veur het Drents. Miny vanoet de Schrieverskring en ik veur de Stichting Oeze Volk. Met Tjaart Imbos en Geert Enting, hebben wij jaorenlang probeerd um het Drents die plaots te laoten hollen, die het toekomp. Een volweerdige plaots naost het Nederlands. Drents Genootschap en Taol en Cultuur bint in een nije cluster komen en wij waren warkeloos as vrijwilligers. Der hebt vanzölf meer mensken anmetdaon, maor bij 't Drentse Boek was nogal is een plaots vakant.

Je leert mekaor dan wat beter kennen en dan bij nijsgierig hoe Miny Hofsteenge tot schrieven komen is. As moeder van drie opgruiende kinder (twee wichter en een jongen), hej je hannen wel vol. Maor een huisvrouw wil niet stil blieven zitten as de kinder op een leeftied kommen dat ze meer boeten de deur bint as der binnen. Miny leut zuk inschrieven veur de moeder MAVO, dee daor de vakken die zij belangriek vun, volgde cursussen proza en poëzie schrieven en gooide zuk toen veur de leeuwen.

Want dan wordt je wark zet in tiedschriften en de DGP. Je vraogt je aof wat zal 't volk der van zeggen. En net as alle schriefsters en schrievers die veur de mening uut durven kommen, kreeg ze 't soms wel is stoer. Daor ontkom je niet an aj een kollum in de kraant hebt, want elk mens hef zo zien eigen mening. Toch schreef Miny stukken, waor je nog is even over nao kunnen denken, der bleef zunder te kwetsen wat van hangen. Dat kun ok niet aans want Miny is een warm sociaol vulend mensk, recht is recht, daor maok ie gien krom van. Ene die met hart en ziel steeit veur de zaok waor ze zuk veur inzet hef.

En dan, nao een hiele tied van stilte, toneelstukken schrieven, een bun del gedichten die nog niet uutgeven bint, maor as ze argens veurleest wil men ze hebben Eindelijk een bundel wat uutgeven wordt, der is ok in dizze verhaolen een sociaole strekking. Het bint losse verhaolen maor de hoofdrolspeu-lers komp in elk lös verhaol as een steunpunt veur de aander weer. Der is zwaor nadacht over het wark, veurdat het naor een uutgever stuurd weur. Maor nouw lig het in de bookhandel. Een heel eenvoudig bleut zoas die riegel bundelties almaol een verstilde indruk geeft.

Ik heb al angeven dat Miny een man en drie kinders hef, speult die gien rol met het leven van de schriefster. Ja zeker wel, de kinders bint de angevers veur de mooie gedichten en verhaolen veur kinders. Heur kinder bint zulf ok kunstzinning anlegd. De oldste geet naar Minerva kunstaccedemie, de tweede zit in de exaomenklas van de HAVO en hef ok al priezen haold met het verhaolen schrieven. In 't Nederlands vanzölf, maor wel wet wat der nog is oet vot komp. Miny en Henk hebt de kinder arg steund in heur hang naor mooie dingen maoken.

Henk Jeurink, de man waor Miny in 1971 met trouwde, hef heur altied steund, maor is ok de meest kritische resecent die je maor denken kunt. Vandaor dus ok, dat ze altied zuukt naor het volmaokte. As drenten willen wij dan ok geern weten wat zo'n man döt. Hij is bij de stedebouwkundige dienst in Emmen. Altied op pad veur de poletiek (PVDA), met steun van zien vrouw en daorum is Henk ok in de Staoten van Drenthe terecht kommen.

As ik Miny vraog wat heur volgende plannen bint en of ze die hef, is 't antwoord: „Ik wil geern een roman schrieven, de eerste vellen zit al in de komputer." Maor je weet zo langzaomerhand wel, Martha, der gaon vast nog wel wat jaoren overhen, veurdat ik dat an de wereld pries wil geven. We zaten met zien beiden in 't hart van Emmen, keken uut naor Hotel Grimme, waor Henk en Miny veul herinneringen an hadden en Bart en ik steevast koffiedrunken as wij bosschoppen mussen doen. Die wordt sloopt. As U dit verhaol leest is der weer een stuk geschiedenis uut Emmen vot. Ik hol mien hart vast, wat veur een steneklomp der veur in de plaots komp






© 2006-2009 www.mijn-eigen-website.nl